Ukatili wa kidijitali dhidi ya wanawake si kosa dogo: ni aina ya unyanyasaji unaoadhibiwa kwa mujibu wa sheria. Katika kampeni ya Siku 16 za Uhamasishaji dhidi ya ukatili wa kijinsia, Umoja wa Mataifa unakumbusha kwamba kila kukataa kunakoelezwa na mwanamke, hata katika ujumbe binafsi, lazima kuheshimiwa bila masharti.  

Unyanyasaji mtandaoni dhidi ya wanawake ni dhuluma kubwa kwa heshima na usalama wao. Si mwenendo wa kawaida, bali umetambuliwa rasmi kama kosa la kisheria.

Sheria za kitaifa na kimataifa zinakataza vitendo hivi, zikisisitiza kwamba ulimwengu wa kidijitali si eneo lisilo na sheria. Wanaotekeleza ukatili huu hujiweka wazi kwa mashitaka ya kisheria.

Kuheshimu kukataa ni wajibu usiopingika. Mwanamke anaposema “hapana”, iwe hadharani au katika ujumbe binafsi, mpaka huo lazima uzingatiwe kikamilifu.

Kuvuka mpaka huo ni ukiukaji wa haki za msingi na kunaweza kuleta athari nzito za kisheria kwa mnyanyasaji.

Kupitia kampeni ya Hakuna visingizio, StopVBG, MONUSCO, UN Women na washirika wao wanasisitiza kwamba mapambano dhidi ya ukatili wa kijinsia lazima yaendelezwe pia katika anga za kidijitali.

Harakati hii ya kimataifa inalenga kuelimisha jamii na kumfanya kila mmoja awajibike katika mienendo yake mtandaoni. Kuheshimu sauti ya wanawake ni kulinda uhuru na usalama wao.

Unyanyasaji mtandaoni si hatima. Unaweza kupigwa vita kwa sheria, lakini zaidi kwa ufahamu wa pamoja. Sera ya kutovumilia kabisa ukatili wa kidijitali ndiyo msingi wa kujenga jamii yenye haki na usawa.

Emmanuel Kasereka bin Vikingi