Kwa kuibuka tena kwa mlipuko wa Ebola katika Jamhuri ya Kidemokrasia ya Kongo, FOMAK RAVEC-MK RDC, kupitia sauti ya Mkurugenzi Mkuu wake, Baba Mtume Oscar Mapenzi Kimonyo, imeungana na mamlaka za afya ili kuhamasisha wakazi wa Goma, Kivu Kaskazini na taifa lote. Lengo kuu ni kuimarisha umakini na kukumbusha hatua za kinga zinazohitajika ili kukomesha kuenea kwa virusi hivi hatari.  

FOMAK RAVEC-MK RDC imejiunga na mamlaka za afya za kitaifa na za mitaa kuongeza nguvu katika mapambano dhidi ya Ebola. Harakati hii ya pamoja inalenga kuelimisha, kuwajibisha na kulinda jamii dhidi ya ugonjwa wa virusi hatari unaoendelea kutishia afya ya umma. Ebola ni maambukizi yenye kuenea kwa haraka na yanaweza kusababisha kutokwa na damu ya ndani na nje, mara nyingi yakiwa na hatari ya kifo. FOMAK inasisitiza juu ya dharura ya umakini wa hali ya juu na kinga madhubuti, kwa kuwa kila tendo dogo linaweza kuokoa maisha. 

Dalili za tahadhari ni pamoja na homa ya ghafla, maumivu makali ya kichwa, maumivu ya misuli, uchovu wa mwili, kutapika, kuharisha, kutokwa na damu na upele wa ngozi. Wananchi wanahimizwa kuripoti mara moja kila kisa kinachotia shaka kwa mamlaka za afya ili kuwezesha matibabu ya haraka.

Virusi vya Ebola huenea kwa kugusana moja kwa moja na majimaji ya mwili wa mgonjwa, kwa kugusa vitu vilivyochafuliwa, au kupitia wanyama pori waliobeba virusi kama vile popo na nyani. Uhamasishaji unasisitiza kuepuka hatari hizi ili kupunguza kuenea kwa ugonjwa. Hatua za kinga ni kunawa mikono mara kwa mara, kuepuka kugusana na wagonjwa, kula chakula kilichopikwa vizuri, kuvaa glavu wakati wa kutoa huduma na kutoa taarifa kwa haraka kwa mamlaka za afya. 

FOMAK pia inakumbusha kanuni kumi na mbili za kinga dhidi ya magonjwa ya wanyama (zoonosi), ikiwemo kutochukua wanyama waliokufa, kuto kula nyama ya nyani au popo, kuto tumia vyombo pamoja na mgonjwa na kuto shika maiti bila kinga. Timu za madaktari wa wanyama zipo tayari kufuatilia mienendo isiyo ya kawaida ya wanyama na kuweka hatua stahiki. Uangalizi huu unalinda siyo tu wakazi wa eneo husika bali pia wageni na spishi nyingine za wanyama, na hivyo kuchangia katika mtazamo wa afya ya pamoja.

Zaidi ya maelekezo ya kiafya, FOMAK RAVEC-MK RDC inatoa sala: kwamba Mungu wa milele awahifadhi wakazi wa Goma na kwamba Damu ya Kristo ifunike mji mzima wa Goma. Ujumbe huu wa kiroho unatia nguvu mshikamano na tumaini katikati ya jaribu hili.

Mapambano dhidi ya Ebola yanahitaji uwajibikaji wa pamoja. FOMAK na mamlaka za afya zinakumbusha kwamba umakini wa kila mmoja unaweza kuokoa maisha. Kwa kutii hatua za kinga, wakazi wa Kivu Kaskazini na taifa lote la DRC wanaweza kuchangia kukomesha tishio hili.

Emmanuel Kasereka bin Vikingi