Tetemeko la kidiplomasia latikisa Washington: Mabalozi kadhaa wa taaluma, walioteuliwa chini ya utawala wa Biden, wametakiwa kurejea nyumbani. Uamuzi usio wa kawaida unaotikisisha uaminifu wa Marekani na kuibua hofu ndani ya mwili wa kidiplomasia.  

Utawala wa Rais Donald Trump umeanzisha kampeni kubwa ya kuwarejesha mabalozi wa taaluma walioteuliwa na serikali ya Joe Biden. Kwa mujibu wa vyanzo vinavyokubaliana, takribani nchi thelathini zimeguswa, huku bara la Afrika likibeba mzigo mkubwa wa athari.

Wakuu wa vituo na mabalozi wamepokea barua za shukrani zilizoweka kikomo kwa majukumu yao. Baadhi hata wamepigiwa simu wakihimizwa kuondoka mapema, tarehe ikikisiwa kuwa kati ya Januari 15 au 16.

Kawaida, mabalozi wa taaluma hubadilishwa pale tu mrithi wao anapoteuliwa, ili kuhakikisha mwendelezo wa uhusiano wa pande mbili. Hivyo, hatua hii inachukuliwa kuwa isiyo ya kawaida kwa ukubwa wake.

Mabadiliko haya yanafuata mkondo wa sera ya urais “America First”, inayolenga kulinganisha uwakilishi wa nje na vipaumbele vya kisiasa vya Donald Trump.

Chama cha Mabalozi wa Marekani (Afsa) kimekiri kupokea malalamiko mengi kutoka kwa wanachama wake walioko vituo mbalimbali duniani. Kimepinga utaratibu huu kama “usio na sababu” na unaovunja desturi za kidiplomasia.

Katika tamko lililotolewa kupitia Facebook, Afsa limesema kurejeshwa kwa mabalozi kwa wingi namna hii “kunadhoofisha uaminifu wa Marekani nje ya mipaka yake na kutuma ujumbe wa kutisha kwa mwili wa kidiplomasia wa kitaaluma.”

Wachambuzi wanaonya kuwa uamuzi huu unaweza kudhoofisha mwendelezo wa uhusiano wa Marekani, hususan barani Afrika, ambako uwepo wa kidiplomasia ni nguzo ya ushirikiano wa kisiasa, kiuchumi na kiusalama.

Emmanuel Kasereka bin Vikingi