DRC: Kakao na Mgogoro; Dhahabu ya Kahawia Iliyotelekezwa ya Beni
Katika ardhi yenye rutuba ya Kivu Kaskazini, hasa katika eneo la Beni na sehemu ya Ituri, zao la kakao limeibuka kama tegemeo la kiuchumi lenye matumaini makubwa. Zamani, kahawa ndiyo iliyotawala mashamba ya wakulima, lakini mabadiliko ya kilimo yamewalekeza wengi kwa kakao—zao lenye soko la kimataifa na uwezo wa kuleta mabadiliko ya kijamii. Mwelekeo huu wa kilimo, ulioanza miaka kadhaa iliyopita, ulileta matumaini ya kuinua hali ya maisha kwa maelfu ya familia za vijijini.
Lakini matumaini hayo yameyeyuka mbele ya wimbi la ukosefu wa usalama, linalochochewa na mashambulizi ya mara kwa mara ya waasi wa ADF (Vikosi vya Kidemokrasia vya Muungano). Kwa zaidi ya miaka kumi, uvamizi huu wa kikatili umeeneza hofu, ukisababisha wakulima kuacha mashamba yao na kulazimika kuhama. Mauaji ya raia...
