Asasi za kiraia forces-vives za Sud-Kivu zimeonya juu ya jaribio la uporaji wa eneo la “kumbukumbu ya mwanamke”, lililoko katika jimbo la Ibanda, jiji la Bukavu. Wakati huu, zinakumbusha kuwa eneo hili halijauzwa na zinatoa mwito kwa wananchi pamoja na viongozi kulilinda kwa moyo wa uzalendo.

Kwa mujibu wa muundo huu wa kiraia, kulipora eneo hili ni sawa na kukanyaga historia, maadili ya mkoa na kumbukumbu ya pamoja ya waathirika. Asasi za kiraia zinahimiza hasa viongozi wa jimbo la Ibanda kuwa makini na kubaini wahusika wa vitendo hivi.

 “Tunatoa mwito kwa viongozi kulinda eneo hili, kwa heshima ya wanawake na kumbukumbu yetu ya pamoja. Mheshimiwa Bourgmestre Eugène Mubalama… kumbuka kuwa historia itakumbuka uongozi wako katika jimbo la Ibanda na matokeo ya uporaji wa eneo hili… bila kuchukua hatua, unaweza kuonekana kama mshirika,” alisisitiza Jumatatu, tarehe 02 Februari 2026, Bw. Murhula Machumbiko, Mwenyekiti wa tawi la jimbo la Ibanda wa asasi za kiraia.

Watu fulani, wakiwa na baadhi ya mawakili, wanadaiwa kuhusika katika njama za ulaghai zinazolenga kujimilikisha kinyume cha sheria urithi huu kwa sasa. Ikumbukwe kuwa eneo la kumbukumbu ya mwanamke ni mahali pa kihistoria na kiishara lililotengwa kwa ajili ya kumbukumbu ya ukatili uliofanywa dhidi ya wanawake, huko Sud-Kivu.

Bienfaits Tumsifu