Raia 26 waripotiwa kupoteza maisha katika vijiji vya Manzumbu, Musangwa na Wasafi, vilivyoko takribani kilomita 45 magharibi mwa mji wa Oïcha, katika eneo la Beni, mkoa wa Kivu Kaskazini.  

Kwa mujibu wa taarifa za awali zilizotolewa na vyanzo vya ndani, mauaji haya mapya yalitekelezwa usiku wa kuamkia Jumatano tarehe 6 Mei 2026 na waasi wa Kiadugandani wanaodhaniwa kuwa wanachama wa ADF (Allied Democratic Forces).

Habari hii imethibitishwa na mwenyekiti wa asasi za kiraia katika eneo hilo, Kinos Katuo, ambaye amelaani wimbi jipya la ukatili dhidi ya raia wasio na hatia. Ameeleza pia wasiwasi wake kuhusu kuongezeka kwa mashambulizi yanayohusishwa na wapiganaji wa ADF katika sehemu hii ya Beni.

Kwa mujibu wa chanzo hicho, vikosi vya pamoja vya FARDC na UPDF vimeanzisha operesheni za kufuatilia ili kuwasaka wahalifu waliohusika na shambulio hili la kikatili.

Kutokana na kuzorota kwa hali ya usalama, asasi za kiraia zinatoa wito kwa wananchi kuwa makini, waangalifu na kushirikiana na vyombo vya usalama kwa kutoa taarifa za kila harakati inayotia shaka.

Mauaji haya mapya yametokea katika mazingira ambapo hali ya kutokuwa na usalama inaendelea kutanda katika maeneo mengi ya Beni, licha ya operesheni za kijeshi za pamoja zinazofanywa dhidi ya makundi yenye silaha yanayoendelea kusumbua eneo hilo.

 Obady Madirisha